17 апрелдә республикала Башҡортостан халыҡтарының Милли кейем көнө

17 апрелдә республикала Башҡортостан  халыҡтарының Милли кейем көнө.  Ошо  уңайҙан Ишмырҙа ауылында дәрестәр онлайн форматында ойошторолдо. 

Онлайн дәресте  5 уҡытыусы үткәрҙе.  Уҡыусы һәм ата-әсәләр ҙә милли кейем кейҙе, йә ҡайһы бер аксессуарын файҙаланды (түбәтәй, бүрек, селтәр һ.б). Һәр дәрестең инеш өлөшөндә милли кейем көнө, башҡорт кейеме тураһында мәғлүмәт бирелде.

Ишмырҙа мәктәбендә дәрестәр дәрестәр теҙмәһенә ярашлы үтте. Башланғыс класс уҡытыусылары “Башҡорт милли кейеме сер һәм мәғлүмәт сығанағы ла ул” исеме аҫтында (онлайн) класс сәғәттәре үткәрҙеләр.

"Башҡорт халҡының милли кейемдәре" темаһына бишенсе кластан алып туғыҙынсы класҡа тиклем онлайн дәрестәр булды.

Онлайн дәрестәрҙә уҡыусыларҙың әсәләре лә ҡатнашты. Ғөбәйҙуллина Гүзәл һәм Үлйәбаева Айһылыу үҙҙәренең ҡул эштәре менән таныштырып үтеп, башҡорт ҡатын-ҡыҙҙарының биҙәүес әйберҙәре хаҡында мәғлүмәт бирҙеләр .