"Асыҡ ишектәр көнө"
Апрель 23, 2021
Просмотров: 81
Бөгөн Баймаҡ ҡалаһының агросәнәғәт колледжында "Асыҡ ишектәр көнө" үтте. Был әһәмиәтле сарала, Ишмырҙа төп дөйөм белем биреү мәктәбенең класс етәксеһе Ғәнеева Алина Юлай ҡыҙы етәкселегендә, 8 класс уҡыусылары ҡатнаштылар.
Уҡыу йортонда белем алыусылар һәм уҡытыусылары агросәнәғәт тармаҡтары буйынса төрлә оҫталыҡ дәрестәре күрһәттеләр. Шулай уҡ иретеп йәбештереүсе, механизатор, автомеханик, тегенсе, ашнаҡсы һөнәрҙәре хаҡында бик күп мәғлүмәт бирелде. Сараның аҙағында тәмле аш менан һыйланылар!
Уҡыусыларға экскурсия бик оҡшаны, үҙҙәре өсөн һөнәрҙәр тураһында һәм колледжға уҡырға инеү буйынса бик күп яңылыҡ алдылар. Агросәнәғәт колледжы хеҙмәткәрҙәренә фәһемле сараға саҡырыуҙарына ҙур рәхмәтебеҙҙе белдерәбеҙ!